صنع حی و سبحان

سوروشما حالیمی، ای دل، کی حالیم چوخ پریشاندیر
فراقِ یاردا از بس چکیب غم، کؤنلوم آل قاندیر
نه دن بو چرخِ ظالیم قلبِ عشاقی کباب ائیلر
الیندن الامان، ای چرخِ دون، دل مُرغو بریاندیر
کئچیردیم، نا گهان دوشدو گذاریم سمت بولوارا(١)
نه گؤردوم، بیر بوتِ مه رو میثالِ حورو قیلماندیر
تؤ کوب زولفون اوزه چین ـ چین، گؤزللر سؤیله ییر احسن!
دئییلر مرحبا، احسن، بوصنع حی و سبحاناندیر
باخان اول ماهِ روخسارا یقیناً کیم، اولور حئیران
نه قدری وصف ائدیم، وصفی توکنمز، عقل حئیراندیر
دوُراندا من برابرده او یارِ گول جمال ایلن
دئدی: ال چک، سنی تانری، کناریمدان بیر آز یان دور
دئدیم: قوربان سنه جانیم، قبول ائت، سن منی نؤ کر
دئسینلر، یارینا واحد نه یاخشی بنده فرماندیر

١باکینین دنیز کناری گزینتی یئری.