منو
آواره غربتده
نیگارا، عاشیقین سنسیز قالیب آواره غربتده
نئجه گؤر هیجرین ائتمیشدیر گونونو قاره غربتده
دوشنده یادینا زولفون الور دایم گؤزو گریان
گئجه‌لر صبحه تک اشکین تؤ کر روخساره غربتده
فلک قیلدی جدا سندن منی، ای شوخ مهپاره
تیکیبدیر عاشیقین سنسیز گؤزون یول لاره غربتده
وطن آواره سی اولدوم، حبیبیم، سئوگیلیم، رحم ائت
دوشوبدور عاشیقین مجنون کیمی کوهساره غربتده
اولوب سنسیز انیسیم غم، موُنیسیم ناله
بو درد هیجره یوخ اؤلمکدن اؤزگه چاره غربتده
ترحم قیل، نیگارا، واحد اولموش عشقدن خسته
لبین دئرلر دوا، ای مه، من بیماره غربتده(١)
١غزل اورتا آسیادا یازیلمیشدیر.