نه خیال ائیله میسن؟

یوخسا، ای گول، یئنه گولزارده حال ائیله میسن؟
غنچه نین باغرینی قان، بولبولولال ائیله میسن؟
قامتین سایه سالان یئرلره گون سورتر اوزون
اونو سرگشتهٔ زولف و خط و خال ائیله میسن
قاش قارالدیقدا اوزونله دوُرایبلمز قارشی
مگر، ای مه، گونشه عرضِ جمال ائیله میسن؟
اؤزگه‌لر محرم اولوب وصلینه، اؤز عاشیقینی
یاندیریب هیجرایله محرومِ وصال ائیله میسن
عاشیقین کؤنلونو ییخماق، گؤزلیم،یاخشی دئییل
توتار آخیر سنی آهیم، نه خیال ائیله میسن؟
سن کی یوخدون، نه بیلیردیم، المِ عشق نه دیر
ائل ایچینده منی مجنونه مثال ایله میسن؟!
ناز ایله غئیری گؤره نده دانیشیرسان، نه سبب
منی گوردوکده، گولوم، ترکِ مقال ائیله میسن؟
واحد، احسن سنه، طعن اوخلارینی گلدیکجه
ییغمیسان دؤروه نه، بیر جاه و جلال ائیله میسن؟