منو
گؤزدن دوشدوم!
یوخ دئیین دردیمی جانانیما، گؤزدن دوشدوم
سالدی هیجران اودونو جانیما، گؤزدن دوشدوم
من بو گول اوزلولرین بولبولِ شیداسی ایدیم
بیری رحم ائتمه‌دی افغانیما، گؤزدن دوشدوم
چوخ قارا گؤزلولرین زولفونه حسرت چکدیم
یانمادی حالِ پریشانیما، گؤزدن دوشدوم
آغلادیم هیجرینه، بیگانه نی گولدوردو منه
باخمادی دیدهٔ گریانیما، گؤزدن دوشدوم
نئیله‌میشدیم، گناهیم، بیلمه دیم، آخیر نه ایدی
حسرت اولدوم گول خندانیما، گؤزدن دوشدوم
هر طبیبه غمِ پنهانیمی اظهار ائتدیم
چاره یوخموش غمِ پنهانیما، گؤزدن دوشدوم
یار دیندیرمه دی، واحد، منی یالقیز قالدیم
نه گلن وار، نه گئدن یانیما، گؤزدن دوشدوم