منو
ناز اولا
یوزلرجه خلق ایچینده ا گر اهلِ ناز اولا
ممکن دئییل کی، سن کیمی بیر سروِ ناز اولا
بولبول گولون سئویر، سنی من، طوطی شکری
عشق اهلی بیر شئیه گرک، البته، باز اولا
اصلی گؤزللیگین ایکی شئی دیر نشانه سی
زولفو قارا و سینهٔ صافی بیاض اولا
عاشیق گرک دوشوب قدمِ یاره یالوارا
عاشیقلر ایچره بلکه او بیر سرافراز اولا
بولبول همیشه اؤز گولونه آرزو چکر
وای اوندا، خاردن بونادا اعتراض اولا
یار اینجییب کوسنده اونون باشقا ذؤقو وار
هردن بیر اورتالیقدا گرک ارک ناز اولا
دونیایا گلمه‌ییب ائیله بیر نازنین گؤزل
درد اهلینه تسلی وئره، دلنواز اولا
سلطانِ عالم اولسادا واحد زمانهده
اوّل گرک اسیرِ کمالِ ایاز اولا