منو
صیادلریک بیز
یوز دفعه جفا گلسه بیزه سئوگیلیمیزدن
بیر دفعه شیکایت سؤزو چیخماز دیلیمیزدن
قصد ائتسه حسدله بیزی محو ائتمگه ظالیم
کئچمز بیزیم اربابِ قلم قاتیلیمیزدن
طوفانِ بلا گلسه ده،قورخان دئییلیک بیز
داغلار بئله سدّ اولسا، قاچار ساحیلیمیزدن
باخما بیزه مین نازایله، صیادلریک بیز
یوز گؤزلری آهو قاچا بیلمز ایلیمیزدن
خاکِ درِ میخانه ده دفن ائت بیزی، ساقی
مین کوزه چیخار توپراقیمیزدان، گیلیمیزدن
واحد، بیز او نخلیک کی، بو گولزارِ جهاندا
اولادِ وطن ذؤق آلاجاق حاصیلیمیزدن