چیخسین کئتسین!

وئرمه ین جانینی جانانینا، چیخسین کئتسین
قییماییر عشقده کیم جانینا، چیخسین کئتسین
وصلِیاری سئون عاشیق گرک هیجرانا دؤزه
دوزمه ین یارینین هیجرانینا، چیخسین کئتسین
ایندی کی، گول یئنه گولشنده گزیر خار ایله
باخماییر بولبولون افغانینا، چیخسین کئتسین
بیز محبت یولونون عشقده روسوالارییق
کسردیر هر او کسین شأنینه، چیخسین کئتسین
عشق مولکونده بو گوندن یئنی قانون قویدوق:
هر کس اؤز سئودیگینین یانینا، چیخسین کئتسین
بیزه اؤز یوردوموز افسانه بهشتدن خوشدور
زاهید اؤز روضهٔ رضوانینا، چیخسین کئتسین
بیلیریک، واحد، او گولدن سنه یار اولماز
بوراخ، آند ایچ اونون اؤز جانینا، چیخسین کئتسین