ده ده وای

شوشادا اولان صابر آدینا کولوب پیس وضیعتده ایدی
رایون تشیگلاتلاری بوندان خبردار ایدیلرلاکن تدبیر
گورمورلر (مخبر مکتوبوندان)

ده ده وای هی یاتیرام بیر یوخدان دویاممیرام
بو آغیر یاتماقیمین سرّی نه دور دویا ممیرام؟!
سانکه قیزدیرمالییام باخسان اگر رنگ روخوما
بیر پوتووقا گوتوروب گئدملی الدوم سوخوما
گئجه اولماز که گلیب گیرمگه صابر یوخوما
چاقیریر طعنه لی سوزلرله منی اویاممیرام
بو آغیر یاتماقیمین سرّی نه دور دویا ممیرام؟!

دییرم ای بویوک اوستاد منی سالما یادینا
شوشا شهرینده دییلر که کولوب وار آدینا
بئله معلوم که لایق دگل استعدادینا
حله ده من ئوزومه خیردا بیر آد قویاممیرام

بو آغیر یاتماقیمین سرّی نه دور دویا ممیرام؟!
بو. کولوب. بنزه یر هر چند اوچولموش اطاقا
چئووریلیب قیشدا اینک یازدا قویون ساخلاماقا
آتیلیب موسیقی آلتلری بیر کونج بوجاقا
منه نه من که بوتُوز توپراقا هیچ بویانمیرام
بو آغیر یاتماقیمین سرّی نه دور دویا ممیرام؟!

چوخ آداملار بو .کولوبدان. بیره مین خیره چاتیر
دورد نفر ایشچیسی وار مفته یئییر مفته یاتیر
بوش آداملاردا گلیر آخشاماجان شش بئش آتیر
اوزکه وادر اوتانیر هیچ کسی قوولا یاممیرام
بو آغیر یاتماقیمین سرّی نه دور دویا ممیرام؟!

بیلمه یرمی بو .کولوب. صحبتنی رایکوم ئوزی؟
گورمه یر سنجه معارفچیلرین یوخسا گوزی
بیرده تکرار ائلمه هر یئره چاتدین بو سوزی
دانلایب اونلارین هر گون اوزونی یویاممیرام
بو آغیر یاتماقیمین سرّی نه دور دویا ممیرام؟!
ده ده وای هی یاتیرام بیر یوخدان دویاممیرام
