نازلی دلبر اولا

شراب اولا، من اولام، بیرده نازلی دلبر اولا
بیر اؤزگه عالمی واردیر اگر میّسر اولا
صفای مجلیس مئی مین بهشتدن آرتیقدیر
بیر الده گول تودا جانان، بیر الده ساغر اولا
اولاندا مست، آچا زولفون نیگار، نشئه سی وار
عموما ذوق وئره بزم مئی معطر اولا
بوساط باده ده حال اهلینین فداسی اولوم
شرابی قال ایله ایچمه، اگر پیغمبر اولا
اسیر زولفونم، ای شوخ، گَل آجیقلانما
اسیره حؤرمت ائدرلر، ا گر چی کافر اولا
نه لیلی سن کمی اولموش، نه من کیمی مجنون
نه کاره دیر گلیب اونلار بیزه برابر اولا؟!
گؤرنده، واحد، اوزون یاریمین اسیر کؤنلوم
نه نوع ساکیت اولار .اود اولا، سمندر اولا؟!(١)

١مصرع بو شکلیده ده قئید اولموشدور:
نه نوع ساکیت اولوم:اود اولا، سمندر اولا؟!