عُلوی انسان!

شرفدیر عاشیقه اؤلمک، یولوندا جانانین
اسیری بیردم اولونجا بلای هیجرانین
فداسییام او گولون، دیل بیله، اشاره قانا
اطاعتینده وارام من عُلوی انسانین
محبتیله سنین هر جفایا صبر ائدرم
اجازه وئر کی، اولام بیر دقیقه مهمانین
سنینله گیزلی ا گر بیر دقیقه صحبت ائدم
صداقت ایله ائدردیم بو جانی قُوربانین
ا گر سن اولماسان، عؤ مروم گئدر فنایا منیم
علاجیم ائیله، آماندیر، وارایسه درمانین
قضا گلیرسه، نه غم، سن منیمله اولسان ا گر
احاطه قیلسا منی مین بلاسی دونیانین
گؤزللر عشقی ایله مستسن، آییلمازسان
سنین ده بیرجه بودور، واحد، عیب و نقصانین!