منو
نه دل آرادیر بو؟
سنی گؤرجک دئدیم، ای دل، نه دل آرادیر بو؟
بو قدر جاذبه وار بوندا، زولیخادیر بو؟
جان وئریر نازیله، مین جان آلیر عاشیق لردن
گونده مین معجزه وار بوندا، مسیحادیر بو؟
بیرجه مجنون ایدی. لیلی نی، سئویب عاشیق اولان
بونا مین عاشیق اولان وار، نئجه لیلادیر بو؟
عشق دردین چکن عاشیق مئیِ ناب ایچمه لیدیر
پیرِ میخانه اؤزو وئردیگی فتوادیر بو؟
زولف سئوداسی منی گؤر ئنجه باشدان چیخادیب
بیرجه من بیلمه‌دیم آخر کی، نه سئودادیر بو؟
گؤزلیم، عالمه مینلرجه گؤزللر گله جک
چوخ دا اؤز حُسنونه فخر ائیله‌مه، دونیادیر بو؟
منه یوز دفعه وفاسیزلیق ائدن بیر گؤزلی
سئویرم من!! یئنه گؤر بیر نه معمادیر بو؟
سن تاماشا ائله، واحد، بو پری چهره لره
فرصتی فوت ائله مه، یاخشی تاماشادیر بو؟