عجب اولدو

دیندیرمه دی، ای دل، سنی جانان، عجب الدو!
ائتدین نه قدر ناله و افغان، عجب الدو!
یوز دفعه دئدیم، وصل تمناسینا دوشمه
یاندیردی سنی محنت و هیجران، عجب الدو!
گول اوزلو گؤزل یارین اولوب غئیر ایله همدم
چیخسین گؤزون، اولسون جیگرین قان، عجب الدو!
اول زولفه کؤنول وئرمه، دئدیم، قوی دئسین عالم
ایندی سنه دیوانهٔ دؤوران، عجب الدو!
قویدون نییه اغیاری یاخین کؤیوا یارین؟
جنّتدن اؤزاقلاشمادی شیطان، عجب الدو!
واحد، ائله بیر دؤورده گلدیک بو جهانه
بیر گؤزده گؤروندو بوتون انسان، عجب الدو!