منو
باش اه ین دئییلم!
دگیشمیشم، گؤزلیم، ایندی سن دئیین دئییلم
گئت، هر کیم ایله گزیرسن گز، اینجیین دئییلم
منیمله قاش گؤز آتیرسان، گزیرسن اؤزگه ایله
بو رنگی گلمه منه، شیوه ـ زاد یئین دئییلم
چکیبدیر عطرینی بیگانه غنچه لیکده سنین
سن ایندی گول تک آچیلسان دا، اییله ین دئییلم
منی شیرین دیل ایله بس دئییل می آلداتدین؟
زمانه گؤرموشموم، آخیر ایمکله ین دئییلم
ا گر اؤلنده حیاتیم سنین الینده اولا
دوشوب قدملرینه منت ائیله ین دئییلم
اؤزوم ده، واحدم، عالم بیلیر دیانتیمی
سنین کیمی گئدیب اغیاره باش اه ین دئییلم