منو
خنجر ا گلشمش
نیگاریم بزم عشرتده بئلینده خنجر ا گلشمش
مگر نوشابه تختینده گلیب اسکندر ا گلشمش
رقیبِ شومنو گؤردیم حوری پیکرلر میانینده
کی گویا قصرِ جنته گلیب بیر کافر ا گلشمش
بو بزمِ جان فزاده آفتابِ عالم آرامو
ویا جامِ مئی الده، اول بوتِ سیمینبر ا گلشمش
روخو دؤرینده گورجک زولفِ پر چینین، خیال ائتدیم
سراسر کشور دارانی توتمیش، لشکر ا گلشمش
بوساط اهلین بوتون جذب ائله‌میشدی چشم مستیله
سانیرسان شهر بابلده گلیب جادوگر ا گلشمش
باکو شاعرلریندن واحدا یوسیفدی(١) رحمتلیک
او گئتدیسه، اونین ایندی یئرینده آذر(٢) اگلشمش
٢،١یوسیف و آذر واحدین همعصری
و استادی اولان آذربایجان شاعرلریدر.