گئج گلدی

بو بزمِ عشرته، ساقی. پیاله گئج گلدی
گؤزون فداسی اولوم، سال خیاله. گئج گلدی(١)
توتوبدی غم،اورگیم، وئر پیاله پی در پی
کی، ذؤقو نفع وئره، بو ملاله. گئج گلدی
یئتیر منی خُم آیاغینه، توت الیم ساقی!
خیلاصِ حسرت اولوم، لامحاله گئج گلدی
بو آه ناله می، سانما عبث، کی قورخوم اودور
یئتر سنه، من ائدن آه و ناله گئج گلدی
قاشین خیالینا، دوشدوکجه، ای کامان ابرو
قدّیم مثال دونوبدور، هیلاله گئج گلدی
گونوم قارالدی منیم، باده تئز گتیر ساقی!
کی آز قالیب یئنه عؤمروم، زواله گئج گلدی
مروّت عالمی دیر، واحدم فراقیندا
یئتیر امید الینی، بیر وصاله گئج گلدی

١مصرع بو شکلیده ده قئید اولموشدور:
گؤزون فداسی، بیزی سال خیاله. گئج گلدی.