گؤرونور

بو جفالار منه اول ماهِ لقادان گؤرونور
نه جفا قیلسا ا گر یاره وفادان گؤرونور
دئدیم:آشفته ائدن کیمدیر او زولفِ سیه ین؟
دئدی: سندن دئییل، اول بادِ صبادان گؤرونور
گر، حبیبیم منه ظلم ائتسه، جفادان، نه عجب!
نه قدر جؤرو و جفا قیلسا، سخادان گؤرونور
باخمایین عید گونو آینا ایله آیا، ولی
ماهِ نو اول ایکی ابروی دوتادان گؤرونور
مست چشمیندی باخان چینِ سرِ زولف ایچره
یا کی، ای آیینه رُخ، آهو ختادان گؤرونور؟
وحدا، ائتمه شیکایت بو ملک رولاردان
بختیمین تیره لیگی چرخِ قضادان گؤرونور