گؤزوم جیلالاندی!

بو سرو قامتیم قاشین خیالی ایله دوتالاندی
گؤزوم آیینهٔ صاف جمالیندان جیلالاندی
فغان و آه و ناله مدن خبردار اولمادین، ای مه
گؤی اوزره دودِ آهیمدان کوا کب قارالاندی
دگنده سینه مه اوست اوسته، ای گول، ناوکِ غمزه ن
ده لینمیش نئی کیمی کؤنلوم یئری، یئردن نوالاندی
دئییلر قیس اوچون، جانا، جنونِ عشق اولوب، امّا
منیم، اوندان بتر گٔؤرجک سنی، باشیم هاوالاندی
اوزوندن دون گؤتوردوکده دو شقه، زولفِ مشکینی
اوزون نورایله، ای ماهیم، جهان یکسر ضیاء لاندی
چمنده سرو قدّین گؤستریب یوز مین قیامتلر
قدین سروین چمن گؤرجک خجالتدن حیالاندی
سالیبدیر واحدِ زاری بلایِ حُسنه هیجرانین
همیشه غئیرلر وصلینله، ای گول رخ، صفالاندی