منو
سالدی یئنه زنجیره!
بند ائدیب زولفونو دلدار، منِدلگیره
بیلدی دیوانه سیم، سالدی یئنه زنجیره
ابر تک زولف توتوب ماهِ جمالین دؤورون
آی توتولجاق، بلی، عادتدیر، اولور شب تیره
آهو گؤزلوم یئنه بیر دام قوروب زولفوندن
سانکی صیاد قوروب دامِ بلا نخجیره
خالدیرمی او ایکی قاشین آراسیندا دوشوب
یا کی، هندوبچه دیرمی ال آتیب شمشیره؟
عهد قیلمیشدی نیگاریم کی، تؤ که قانیمیزی
بیز کی حسرت چکیریک، سالمیش اؤزو تأخیره
جیوه تک بوتهٔ هیجرینده یانیب محو اولدوم
ائتمه‌دی هئچ ده اثر اول نظری اکسیره
ایسترم، یاره یازام هیجرده حالِ دلیمی
واحدا، نیطق گلرمی بو چتین تحریره؟