گوله سن!

بنزرم بولبوله گولزارِ وطنده، گوله سن
من ا گر آغلاسام عشقینده، گرک سن گوله سن!
نه قدر جؤر ائله سن، اینجیین اولماز سندن
عشقی واردیر سنه خلقین، قوزو، قارا گیله سن
قیسقانیرلار سنه، آردینجا گودورلر گئجه لر
گؤزله کی، دوشمه یه سن بوش یئره دیلدن دیله سن!
یاشینین آزلیغینا باخما، کمالین چوخدور
آز زاماندا گله جکسن، گؤزلیم،حاصیله سن
نازایله یول یئریشین، ساده لیگین خوشلاییرام
بیر جهت وارکی، یاراشمیر سنه کم حوصله سن
لعل و گؤهر، سن اولان یئرده دوشر قیمتدن
اوگوموش گردنینه دوزمه قیزیلدان حیله سن(١)
واحدین دهرده دیوانهٔ عشق اولماغینا
ائتمه زولفون اوزه زنجیر کیمی سلسله سن

١زینت، بزه ک./حلیه سؤزونون قیساسی/