منو
ائیله‌دی آواره منی!
سالدی هیجران اودونا اول بوتِ مه پاره منی
ائیله‌دی زولفو تک هیجرینده گونو قاره منی
دردِ طغیانیمه بی جا یئره زحمت چکمه
تاری شاهددی، طبیب، اؤلدورو بو یاره منی
قیلدی کؤنلوم قوشونو حلقهٔ زولفونده اسیر
وار خیالی، چکه منصور کیمی داره منی
سرِ کویوندا وطن قیلمیش ایدیم دلدارین
اوزدو وصلیندن الیم، ائیلدی آواره منی
من تک عالمده غم و درده گرفتار اولسون
کیم کی، حسرت قویوب اول مهوشِ دلداره منی
سن بو حُسنیله زولیخای جاهانسان، ای مه
نولا، عشقین چکه یوسیف کیمی بازاره منی
واحدا، زولفِ نیگاریم کیمی اینجه لدی تنیم
کیم گؤرور، بنزه دیر اول زولفده بیر تاره منی