منو
صحبتی افسانه مزین!
ساقیا! بیر بو دئییل نشئه سی پیمانه مزین
هله بوندان سورادیر لذتی میخانه مزین
بیز گرک بادهٔ گلگونو حکیمانه ایچک
پوزمایاق رؤنقینی مجلیسِ مستانه مزین
آیاغین اؤپمه لی ییک خادمِ میخانه لرین
بلکه، جام ایچره گؤرک عکسینی جانانه مزین
زولف شؤقیله اولاق مست، بوتون عاقیل لر
قالسین ادرا کینا حئیران دلِ دیوانه مزین
بیز هامان رندِ خراباتیِ بی باک لریک
صحبتی ایندی ده دیللرده دیر افسانه مزین
درد الیندن بوقدر چکدیگیمز ناله لره
نه گلیر یاریمیزن رحمی، نه بیگانه مزین
عشق زنجیرینه واحدده گرفتار اولدو
آزدی گویا، بیری ده آرتدی بو دیوانه مزین