تازا سوز!

تنگ دیر غنچه دهانین، گئج گلیر آوازه سؤز
بیرصنم دیر نازنین، قویموش اؤزونو نازه سؤز
سوردوم آغزین سرّینی هر کیمسه دن ای تازه گول!
تاپمادی، یوزمین خیال ائتدی، بو مخفی رازه سؤز
درک قیلماز زاهیدِ بی ذؤق کیم، نازیک سؤزو
چوخ چتین قاندیرماق اولسون مردمِ قانمازه سؤز
سؤز بیر اوخدور، سینه مه دگدیکجه، ای قاشی کمان
آت کؤنول شهرینه، آچسین عشق اوچون دروازه سؤز
رشتهٔ جانیمله آهیم سوزنی هر گون چکر
جیلدِ سینه مده حدیثِ عشقینه شیرازه سؤز
یئتمه ز، ای ماهیم، تمامه وصفِ حُسنون خلق آرا
گر قضا کاتیب لری یوزمین کتابه یازه سؤز
اولماسا اوستاد بزمینده سؤزون واحد قبول
پیرلر یازسین جوانلارچین یئنه بیر تازه سؤز