کامیاب اولدوم!

تنورِ آتش عشقیده یاندیم دل کباب اولدوم
ایلان تک قیوریلیب زولفوندن آیری پیچ تاب اولدوم
پریشان زولفونه باغلاندی کؤنلوم جمع ایکن، ای مه
اولوب آشفته کؤنلوم گؤر نئجه خانه خراب اولدوم
گؤروب لعلِ لبین رنگین، مئیِ احمرده، مئیل ائتدیم
شراب و شربتِ لعلین ایچیب، مست شراب اولدوم
الوبدور محرمِ کویون رقیبِ دیو صورتلر
نه دندیر، جنّتِ عشقینده من اهلِ عذاب اولدوم
دئدیم، وصله یئتن ایامی کامِ دل اولور حاصل
وصالین فرقت اولدو، به،نه یاخشی کامیاب اولدوم؟
تؤ کوبسن خنجرِ مشگان ایله قانیمی، ای ظالیم
ترحم ائیله، سرتاسر بو، رنگ ایله خضاب اولدوم
طریقِ شعری اؤیرندم جهاندا پیرِ واقف دن(١)
عجب هنگامه دیر، واحد کی، من حاظر جواب اولدوم

١شاعیر میرزه ابوالحسن واقف.