آدو سانیم وار

تمنا ائت، گولوم، وئررم، یولوندا نقد، جانیم وار
اگر بولبول دئییلسه م، اوندان آرتیق مین فغانیم وار
قارا گؤزلر سنی آلداتماسین، بیمارم عشقینده
علاجیم سنده دیر، ای گول، سنه آنجاق گمانیم وار(١)
قبول ائتسن یولوندا جانیمی یوز یول فدا قیللام
اسیرِ عشقینم، سنسیز بو عالمده خزانیم وار
امانت ساخلا قلبینده همیشه عشقیمین سرّین
حقیقی عاشیقم هیجرینده، چشمِ خونفشانیم وار
آلوب تئز جانیمی، بیر دفعه لیک قورتار اذیّتدن
باخیلسا کؤنلومه، عشقینده مین درد نهانیم وار
سنی هر شئی دن آرتیق سئومیشم عالمده، ای ظالیم!
قضا ایسترسه، گلسین، راه عشقینده توانیم وار(٢)
منی هر بیوفایا، واحدم، توُتما برابر کیم
منیم ده عشق مولکونده، عزیزیم، آد و سانیم وار

مصرع بو شکلیده ده قئید اولموشدور:
١علاجیم قیل، سنه، ای گول، منیم تکجه گمانیم وار.
٢قضا گلسین نه قاچماق، راه عشقینده توانیم وار.