منو
قالمادی آئینه ده تاب
تا کی یئتدی لبِ لعلینه نگارین مئی ناب
رشکدن باغرینی قان ائیله‌دی جام ایچره شراب
باده دن عارضِ آلیندا عرق ائتدی ظهور
دامدی گول گول، گولِ رویوندان اونون عطرِ گولاب
تارِ گیسولرینی قیلدی پریشان اوزونه
آتدی ال شانه یه مین عشوه ایله چون مضراب
پرتو مهرِ جمالیله ایشقلاندی جهان
ائیله کی آچدی جمالیندن او مهپاره نقاب
دؤردو آئینه ایله آیه مقابل اول ماه
ماهی محو ائتدی حسد، قالمادی آئینه ده تاب
شؤق لعلی او مهین قیلدی منی باده پرست
یوخسا هر گز بوقدر اولماز ایدیم خانه خراب
واحدم گوشهٔ وحدتدی مقامیم دایم
اورگیم غملی، گؤزیم نملی، علاجیم نایاب