منو
اولماسین!
تاپشیر، ای گول، زولفونه دایم پریشان اولماسین
عاشیقین بولبول صفت هیجرینده نالان اولماسین
بیر کنار ائیله اوزوندن، آشکار اولسون اوزون
گیزله نیب رویون او زولفون ایچره، پنهان اولماسین
قتلیمه فرمان وئریب ابرولرین، مشگانلارین
سینهٔ سوزانیما ده یسین، پشیمان اولماسین
جمله ده یسین سینه مه، اوخ ایله پاره ائیله سین
یوز معالج ائیله سه، تدبیرِ درمان اولماسین
جنّتی، حورینی وصف ائیلر منه زاهید، گرک
جنتِ اعلاده بیر سن کیمی قیلمان اولماسین
سیدِ زرگر(١) ایدی، واحد، جهاندا مرشدین
جهد قیل، بیر نقطه بو شعرینده نقصان اولماسین
١شاعیر سید زرگر.