منو
مصحفِ حُسن
غارت ائیلر عرقین دؤورِ روخوندا سرِ زولف
قویما هیندوبچه قیلسین دوّرِ غلطانی شکست
حدی اولماز، سنه همتالیق ائده شمس و قمر
شعلهٔ حُسنون ائدر، مهرِ درخشانی شکست
گر بو قامتله خرام ائیله یه سن باغ ایچره
تانری شاهیددیر، ائدر سروِ خرامانی شکست
لبلرین لعلِ یمن دیر، دهنین حُقّهٔ دوّر
دیشلرین، دؤور لبین ائیله‌دی مرجانی شکست
دانهٔ خالینی روخسارین آرا گؤرسه ا گر
زاهید ائیلر طمعِ رؤوضهٔ رضوانی شکست
وصف ائدر اهلِ ریا واحده قیلمان و بهشت
بیلمه ییر، یاریم ائدر حوری و قیلمانی شکست