منو
امانت کاسه سی
غدیردی، احمددی، مرتّیب، قولی
قیش اوزونی توپلایب اونلار پولی
قویدولار اوچلوقدا بیر قرار
بیر آی قالسین کریمده یایدا اونلار
چوخ تله سیردیلر بلیط آلمالقا
ئوزلرینی یالتایا تئز سالماقا
هیچ ده بو صحبت، دانیشیق بیتممیش
اورتایا چخدی بو فلاکتلی ایش
گلدی کدر. غصه ایچینده غدیر
متر یاریم سیمسیقی یئردن گئدیر
چخماز ایدی چیرتمه وورایدین قانی
سانکه توتوبدر ساریلیق اوغلانی
گئدمه لی اولمادیم سیزله آ دوستلار!
گئتدی تراموایدا پولوم هر نه وار
آنجاق ایش ایشدنده گئچیب نئیله مک
ایندی پشیمـانلیق ائیلمز کومک
سهوینی تئز بیلدی غدیر آنلادی
احمد اونی خیلی زمان دانلادی
آدم یانیندا بو قدر پول قویار؟
فکر ائلمیرسن. سنی جیبگیر سویار؟
گیزله مه‌میش من پولی بیر یئرده که
اوغری نه در لاپ بوتون ائومیزده که
جان جگریم آختارا باشدان باشا
عقلینه گلمز بیری دوشمز باشا
کهنه. سینیق صاندیقیمیز وار قدیم
پولاری اوردا گئچن ایل گیزله‌دیم
تئز آناسی دینله یه رک احمدی
دولدی گوزی یاشلا اونا سویلدی
یاخشی یخلدی ائویمیز آی بالا!
پارتلایار ایندی اورگیم آز قالا
صاندیق ایچینده کی کتاب دفتری
اللری یانمیش او باجین گوللری
یقدی یقیشدیردی بوتون بیر یئره
توکدی پیچه آی یئره گیرسین یئره
ئوز ئوزونی دانلادی اوندا احمد
گول پرییه ائتدی خیلی مذمت
دولدی گوزی آغلادیسا گول پری
آغلاماغا پول که قایاتماز گئری
غدیرله احمد دئدیلر وای امان
یاخشیجا چیخدی الیمیز یالتادان
تئزجه بو اثناده گوروندی قولی
کئیفیده کوک کاسه ده قات قات پولی
سیز داها دوستلاریم فکیر چکمـه ین
عقلیمه آنجاق منیم احسن دئین
هامیمیزا منده کی پوللار چاتار
من وئررم بورج سیزه پول منده وار
من ائله یرده پولی قویموشام
لازم اولان یئرده سحر یا آخشام
آرخاینام اوست اوستنده ساقبجاق
گئدیب آللام جیبده پولوم جانیم جان
بیر ائله یئرده کی سوزون دوغروسی
اوغرودان اوددان یوخ اونون قورخوسی!
هیچ اورا دنیا گله بیلمز یاخین
اینانمایرسیز بودا پولار! باخین!
همان ساعت شاد بیر اورکله قولی
دوزلتدی یولداشلارینا پول مولی
پوللارینی قولی هر ایل یاز و قیش
امانت کاساسیندا ساخلایار میش
ائیله‌دی یولداشلارینا مصلحت
کاسالارا قویون پولی امانت