منو
آذربایجان سئویر سنی!
غم چکمه، ای کؤنول، یئنه جانان سئویر سنی
دردیندن اؤلدویون، گولِ خندان سئویر سنی
ظالیم فلک قویارمی سنی وصله یئتمگه؟
چوخ دا او جان آلان، او گؤزل جان سئویر سنی
هر بیر سؤزو موقّتی دیر نازنین لرین
آلدانما، گرچی اول مهِ تابان سئویر سنی
باتدی رقیب عؤمر اوزونو قارا گؤنلره
اول سرو بویلو، زولفِ پریشان سئویر سنی
جئیران دالینجا دوشسه بیر اووچو، عجب دئییل
یوزلرجه اووچو، یوز قوزو جئیران سئویر سنی
خلق ائیله ینده سهو دئییل، تانری گر دئسم
اولموش جامالینا اؤزو حئیران، سئویر سنی
واحد، جهنم، ایسته مه سین قوی رقیب لر
سن فخر قیل کی، آذربایجان سئویر سنی