بیزیمکیدیر!

غم چکمه، بولبولوم، گولِ خندان بیزیمکیدیر!
گلدی باهار فصلی، گولوستان بیزیمکیدیر!
قویما رقیبی ذؤق آلا بو لاله زاردان
الوان گئییملی سونبول و ریحان بیزیمکیدیر!
بیز باغبانی ییک بو لطافتلی گوللرین
رعنا یئریشلی سروِ خرامان بیزیمکیدیر!
چوخلار صفای عشقیله اؤز نؤبه تین سوروب
نؤبت بیزیمدیر، ایندی بو دؤران بیزیمکیدیر!
اغیارا سویله یین، اودا چوخ لووغانماسین
بیز چکمیشیک بلاسینی، جانان بیزیمکیدیر!
بیز ایندی ده حیاتلاً آیاقلاشماساق ا گر
یوخ کیمسه نین گناه، بو نقصان بیزیمکیدیر!
واحد معارف عشقیله تاپمیش شرافتی
بیز طالبِ محبتیک، عرفان بیزیمکیدیر!