دوُرار

دوُرِ رویوندا ساچین حربی نظامیندا دوُرار
گؤزلرین مردمی نظمیه مقامیندا دوُرار
طاقِ ابرولارین وهمی کؤنولدن گئتمز
بنزر اول تیغه کی، پیوسته نیامیندا دوُرار
مردمِ چشمینه مشگانلارین ا کرام ائیلر
رسمدیر، شاهی گدا گؤرسه، سلامیندا دوُرار
دل گؤزوندن یانا قاچماز ساچین اندوهوندان
بنزر اول بستهٔ زندانا کی، ضامیندا دوُرار
یار اوچون عشقده مینلرله بلا چکدی کؤنول
یئنه اؤز سئودیگی مقصود و مرامیندا دوُرار
پالایار چهرهٔ قصرینده سعادت گونشی
هر کیمین دهرده دؤلت قوشو دامیندا دوُرار
گؤستریر، واحد، حقیقتده جمالِ یاری
ساقی نین مئی دولو هر عکسی کی، جامیندا دوُرار