منو
گول خاریله اوینار
دون گؤردوم اول مه پاره نی، اغیار ایله اوینار
ساندیم اونو گول، گولشن آرا خار ایله اوینار
اول شوخا دئدیم: ائیلمه اغیاره اُلفت
گولدو دئدی: بو رسمدیر، گول خار ایله اوینار
جادویِ گؤزون کامه چکیب زولفو اوزونده
افسونگره باخ، توتوغو شاهمار ایله اوینار
آهنگ کیمی، قلبده آهیم شرریندن
بیر شعله چیخیبدیر، درو دیوار ایله اوینار
کؤنلوم دولاشیب شانه کیمی زولفووه، ای گول
هر روز و شب اول طرهٔ طرار ایله اوینار
واحد، گؤروب همدم او بوتون زولفونه خالین
ساندیم، او بهشت اهلی گنهکار ایله اوینار