منو
قاشی یای کیمی!
دون گئجه آچدی نیگاریم اوزونوآی کیمی
گؤردوم اون ماهین اه ییلمیش قاشینی یای کیمی
سرعتِ تیر نیگاهینی تصویر ائله‌دیم
کی، گلیر سینه مه شست ایله تیراموای کیمی
عشق بازارینین عالمده منم حمالی
آلمیشام چیینیمه غم یوکلرینی تای کیمی
سالدی گؤزدن منی اول سروِ روانیم، گئتدی
گؤزومون یاشی فراغیدا آخیر چای کیمی
گؤردوم هم صحبت اولوب غئیرایله شیرین ـ شیرین
بو حسد قیلدی اثر کؤنلومه ازوای کیمی
واحدا، قالدین هامدان گئری، چوخ عاجیزسن
جد و جهد ائیله کی، لاپ اویمویاسان زای کیمی