منو
جنّت چیچگی!
دون دلبریمی مجلیسِ میخانه ده گؤردوم
عکسِ رخِ جانانیمی پیمانه ده گؤردوم
یاندیردی منی شمعِ جمالیله نیگاریم
بو یانماغی نه شمع، نه پروانه ده گؤردوم
قیلدیم نظر اول شوخون ایکی چشمینه نا گه
مین فتنه من اول نرگسِ مستانه ده گؤردوم
مشاطه ووروب، طررهٔ دلداریما شانه
آشفته لیگیم، سانما، پری، شانه ده گؤردوم
اغیارا قئلیر لطف، منه جؤر و جفاسین
دایم او مهین، مئیلینی بیگانه ده گؤردوم
گَل سؤیله مه زاهید، منه اوصاف بهشتی
جنّت چیچه گین من رُخِ جانانه ده گؤردوم
شوخلوخلا او شوخه نه دئدیم، اینجدی مندن
واحددی مقصّر، دیٔ کی، آیا، نه ده گؤردوم؟