بیر صید، ایکی صیاد

دون اولدوم ذؤق مئی دن ائیله کیم اوفتاده بیر یئرده
اؤزوم بیر یئرده دوشدوم، مست قالدیم، باده بیر یئرده
بوساطِ مئی ده سوز یوخ کی، دئییرلر، حال اولور آما
اولا گر باده بیر یئرده، نگارِ ساده بیر یئرده
ینه، زاهید، اقلاً بیر صفا وار سوفره ٔ مئی ده
نه گوسترمیش کدورتدن سئوا سجاده بیر یئرده؟
آلیبدر کؤنلومو، حیرتده یه م کی، گؤزلرین فیکری
نئجه بیر صید اولوب قسمت، ایکی صیّاده بیر یئرده
اسیری من کیمی مینلرجه وار، اول سروِ رعنانین
نه بیردم اؤلدورور، نه ائیله ییر آزاده بیر یئرده
منیم اول داغلار کی، سینه مه، اول لاله رخ چکمیش
که هر گز ائتمه‌میش شیرین، اونی فرهاده بیر یئرده(١)
مقام و شأنین ایسترسه ن، اوجالسین، واحد، عالمده
چالیش، تا خدمت ائت، تکمیل اولان اوُستاده بیر یئرده

١بعضی نسخه لرده،بئله یازیلوبدور:
اونو شیرین هر گز ائتمه‌میشفرهاده بیر یئرده.