فاضلِ دربندینین

دوغرودیر. هر بیر کلامی. فاضلِ دربندینین
اهلِ دل، یانیندا زردور. قیمتی هر بندینین
بئله یازمیشدیر، بو حضرت بیر حدیث معتبر!
بیر گئدن آت مینسه قاچسا صدقیله هر کیم اگر!
جانب بزم عزادن قئلسا سرعته گزر!!
هم او شخصین اؤز یئری عالی دیر هم فرزندینین
دوغوردیر هر بیر کلامی فاضلِ دربندینین
سالسادا شیطان کیمی دونیایه یوز مین اغتشاش
ائو ییخیب قانلار تؤ کوب، قولدرلیق ائئسه کسّه باش
غم دئییل تؤ کسه بو ماتمده ا گر بیر قطره یاش
عف اولور هر بیر خطاسی خاطر خرسندینین
دوغرودیر هر بیر کلامی فاضلِ دربندینین
تؤ کسه بیرشیعه اگر دونیاده دریالارجا قان
ائتسه صحرالارقدر بی کسلره ظلمین عیان
ماتمه مئیل اتئسه گر، شک سیز اولور جنّت مکان
اؤرتولیر ماتمله چونکه اوستی هر بیر فندینین
دوغرودیر هر بیر کلامی فاضلِ دربندینین
بئیله بیر شخص گرگ تقدیر قیلماق پیشه سین
گؤر نجه اسلامه چالمیشدر سعادت تیشه سین
ایندی ده آثاری واردیر وئردئقی پیوندینین
دوغرودیر هر بیر کلامی فاضلِ دربندینین