گؤزلیم!

ده لی کؤنلوم، گؤزلیم، زولفونه اولموش مایل
یئنه زنجیرِ جنون عقلیم ائتمیش زایل
مین باهار اولسا، جهان جنته دؤنسه، گؤزلیم
گؤرمه یینجه اوزونو عاشیقین اولماز قایل
تئز سالیر اورتایا یوز تفرقه بی مهر فلک
وصلِ جانانا ا گر بیر کره اولسام نایل
عاشیقین جانینی ناز ایله گؤزللرمیش آلان
ائل ایچینده بؤیوک افسانه ایمیش عزرائیل
یئتررم وصلینه اول ماهین، ا گر بیگانه
آرادا اولماسا ظلمت کیمی هر گون حایل
نولا سرگشته دولانسام طمعِ زلفون ایله
احتیاج اولماسا، دونیانی دولانماز سایل
کیمسه دن اینجیمه، واحد، سنی اینجیتسه او گول
توتدغون فعلینه، البته، اؤزونسن فاعیل