دللالارین حیله سی

دللالار ایله حیله ده شیطان دا باجارماز!
شیطان نه چی دیر، جین نه دی، خورتدان دا باجارماز!
بیر کندچی اولا خام، گله آت آلماغا نا گاه
وای حالینا، دللارللار ایشیندن اولا آ گاه
بیر نؤعی سویارلار اونو، گؤسترمه سین آللاه!
قصّابلیغی بونلار کیمی شیطان دا باجارماز!
شیطان نه چی دیر، جین نه دی، خورتدان دا باجارماز!
آلداتماق اولور کندلینی تعریفله خیالی
باخ گور نئجه خوش کا کلی واردیر، نئجه یالی
هر چندکی، بو آتدی، ولی هیچ یوخدو میثالی
وار بیر یئریشی که اونو جئیران دا باجارماز!
جیران نه چیدیر شیر نه‌دی اصلان دا باجارماز!
مین حیله ایله آتا اونو راغب ائده رلر
آخیرکی، نئجه یوز شیوه ایله طالب ائده رلر
بیچاره نی بیر کملی آتا صاحب ائده رلر
بیرچاره او بیچاره یه لقمان دا باجارماز!
شیطان نه چی دیر، جین نه دی، خورتدان دا باجارماز!
وار بیر چوخو قالماز اوروجوندان، نامازیندان
باخسان نئجه یوز ائو ییخیب عؤمرونده آزیندان
ترک ائتمه یه جک جانی چخینجا بوغازیندان
قؤلدورلوغو دللال کیمی اصلان دا باجارماز!
شیطان نه چی دیر، جین نه دی، خورتدان دا باجارماز!