هوشیار اولماسا

نئیله سین بیچاره عاشیق، یار ا گر یار اولماسا؟
خاره یالوارمازدی بولبول، عشقِ گولزار اولماسا!
مست دیر اول گول هله، قوی جؤر قیلسین بولبوله!
مست لیکدن نفرت ائتمز، کیم کی، هوشیار اولماسا!
نه گولوندن بولبول آیریلماز، نه عاشیق یاردان
اورتادا سؤز گزدیرن نااهل، اغیار اولماسا!
سئودیگیم جانان زولیخادان دا آرتقدیر منه
یوسیفین قدری بیلینمزدی، خریدار اولماسا!
شمعده پروانه نین شؤقو، چمنده بولبولون
کیمسه بیلمز، عشق دردینه گرفتار اولماسا!
عیش و عشرت مجلیسی، البته، رؤنقدن دوشر
نالهٔ نی، شور مطرب، نغمهٔ تار اولماسا!
صنعت شعرایله، واحد، سن ده گؤستر بیر هنر
لایق تحسین دئییل، کیم کی صنعت کار اولماسا!