منو
ساندیم!
((یاریمی باغچادا غم غصه یه باتمیش ساندیم
خبر آلدیم کی، نه وار، دینمه دی، یاتمیش ساندیم))(١)
سینه سینده نظریمده ایدی ایکی غنچه گوله
تر شاماما یئتیشیب، باش – باشا چاتمیش ساندیم
منی گؤردوکده قیزارمیشدی اوزو لاله کیمی
دیشله‌ییب گول اوزونو اؤزگه قیزارتمیش ساندیم
ائیله بیر نازایله اویناتدی کج ابرولارینی
ایکی هیندو بچه شمشیره ال آتمیش ساندیم
امدیم اول لعلِ لبیندن، دئمه، اؤز رنگی ایمیش
ساختا بیررنگله اوّلجه بویاتمیش ساندیم
واحدم، یار منیم دیر، من اونون، خالقا نه وار
اؤزوم اغیاره اونو اُلفتی قاتمیش ساندیم
١بیت، قشم ممّد زاده نین دیر.