منو
نرگیسِ مستانه لر!
گؤٕردولر تا او گولون نرگیس مستانه لرین
سالدی ساقی لر، حسددن یره پیمانه لرین
بیلمه سیدی لبینین ذؤقونو میخانه چیلر
یوخسا چوخدان قاپامیشدی هامی میخانه لرین(١)
ییغدی روخساری تماشاسینا عاشیق لرینی
شمعه باخ،گور نئجه جمع ائیلدی پروانه لرین!
بیرقِ زولفون او شوخ آچدی، داغیتدی اوزونه
فیکری وارتوپلایا اؤز باشینا دیوانه لرین
من جفاسین چکیرم، سن بو جفاسیزلارا باخ(٢)
مندن آرتیق سئویر اول گول، یئنه بیگانه لرین
گؤردولر شانه نین آیریلمادیغین زولفوندن
خوبلر رشگ ایله سندیردیلار اؤز شانه لرین
وئرمرم دلبریمین بیر سرِ کویون واحد
وئرسه‌لر کُلِ جهانین منه کاشانه لرین
مصرع بو شکلیده ده قئید اولموشدور:
١بیل کی، چوخدان قاپامیشدی هامی میخانه‌لرین .
٢من جفاسین چکیرم، سن بو وفا سیزلیغاباخ.