منو
قورخان دئییلم!
گؤزلیم، سن گؤره ن اول عاشیقِ نالان دئییلم
او خومار گؤزلره بوندان صورا حئیران دئییلم
ایندی گت، حسرتینی باشقا بیر عاشیق چکسین
بیرده سئوسم سنی، سوز وئرمیشم، انسان دئییلم
گه ز، دولان سیر ایله، ئوز سئودیگین عاشیقلریله
اوره گیندن نه کئچیر، ائیله، پشیمان دئییلم
سنده، بیر آزجا گؤزلیک، ایکی قاش، گوز واردیر
بی وفاسان، دئمیشم عالمه، قورخان دئییلم
گوزله مهکدن یولونو یاخشی قوتاردیم اؤزومو
ایندی هئچ بیر گؤزل عشقینده نیگاران دئییلم
کؤنلومو، گوجله، خیلاص ائیله‌میشم زولفوندن
داها خاطیرجمعم، عشقینده پریشان دئییلم
واحدم، ایندی صداقتلی گؤزللر سئویرم
هر وفاسیز گؤزلین حُسنونه قوربان دئییلم