منو
ئولکه میزین
سالیبدر عالمه شهرت صفاسی ئولکه میزین
گوزه لله شیر گونی گوندن بیناسی ئولکه میزین
بهاردا چوللری چولقار چیچکلرین قوخوسی
چمنلرینده بیتن دادلی میوه دیر چوخوسی
چائی-بالی-دوگوسی- چلتیگی- گوزه ل لوموسی
بالقنین هر یانی توتموش صداسی ئولکه میزین
عطیرلی گوللی یاشیل باغلاریندا لاله سی وار
الینده هر بیر ینین بیر قیزیل پیاله سی وار
صفالی چشمه‌لری روح آچان شلاله سی وار
دیریلدر عالمی آب و هواسی ئولکه میزین
گلین کیمی دومان آلتیندا گیزلنیب مئشه سی
بولوتلارین اولوب عشقینده آغلاماق پئشه سی
گوزه للیک آرتیریر هر بیر آقاجدا ئوز ریشه سی
گول اوزلی قوشلار اولوب آشیناسی ئولکه میزین
سوزر گُولُونده گوزه ل دورنالار گوزه ل قازلار
بزه نمیش آی کیمی قولخوزدا ایشله ین قیزلار
بیر ئوزگه لذت آلیرلار هنری قولخوزلار
اولوبدر هر یئری روحون غذاسی ئولکه میزین
قیزیل وطنمیزه فابریک ذوود گوزه ل یاراشیر
یئنی بنالری – مکتبلری قدردن آشیر
تراکتوری. ماشینی هر یئری گزیب دولاشیر
وار ایندی تکنیکادا اختصاصی ئولکه میزین
داشی. دوزی. مازیتی توپراقی جواهردیر
خزینه‌لر ائلمین هر یئرینده ظاهردیر
باخ ایندیکی یئنی نسلی. ادیب و شاعردیر
فضولیلر یئتیریبدر ضیأسی ئولکه میزین
یوز ایللر ایله بیزی بک-خان ایشله یب یوردی
شرفلی خلقیمیزی اینجیدیب قانین سوردی
وطنمیز ایندی دگل ظلم ائدنلرین یوردی
سئووت حکومتیدر رهنماسی ئولکه میزین
بو فخردیر منه واحد که خلق شاعرییم
بویوک فضولیلرین خاک پایین برییم
بوتون بشر یاشادیقجا من ئولمرم دیرییم
اوجالتدی عمرومی نشو و نماسی ئولکه میزین