منو
قسم حق تعالایه
سالیبدیر ابرتک زولفون او مه روحسارینه سایه
سبب اولدور قارانلیق لار چؤ کوبدور سطح دونیایه
گؤزل، منع ائیله‌مه حُسنون تاماشاسیندان عشق اهلین
تزه آی باشی عادتدیر، باخارلار چون، یئنی آیه
دهانین سیرّینی، ای غنچه لب، هر کیمسه دن سوردوم
دئدی: هر نابلد اولماز بلد علم معمایه
گؤرئیدی گر سنی یوسیف بو حُسن و بو وجاهتده
سالئیدی، کافرم، مئیلین ا گر بیرده زولیخایه
گؤزون جادو ایله قیلمیش کؤنوللر بند زولفونده
سالیب دیوانه وار عشق اهلینی، ای شوخ، صحرایه
منی محروم قیلما گَل تمنای وصالیندان
سنی وئررم قسم، ای مه لقا، حق تعالایه
منم بازار عشق ایچره متاع حُسنونه طالب
توتوبدور نقد جانین واحد الده بؤیله سئودایه