منو
اومید باغلادیم!
ساندیم وفالی، هر گوله اومید باغلادیم
آخیر وفاسی اولمادی، دردیمدن،آغلادیم
بیر جمله تاپمادیم کی، اولا عشقدن گؤزل
تاریخین هر صحیفه سین آچدیم، واراقلادیم
دونیانین عیش و نوشونا آلوده اولمادیم
گولگون شرابی آتدیم الیمدن، آیاقلادیم
دیوانه لرتک اولمادی همراز اولان منه
غم گوشه سینده ناله چکیب، دیز قوجاقلادیم
بیر لاله اوزلو، فتنه باخیشلی، شکّر لبین
فرهادی اولدوم، عشقی ایله سینه داغلادیم
بیلدیم گیلایه ائیله یه جک دلبریم منه
فرصتدن استفاده ائدیب من قاباقلادیم
واحد! او کیمسه‌لر کی، گولوستانِ شعردن
گول دردی گئتدی، خار و خسین من آلاقلادیم