خدایا! ساخلا یامان گؤزدن!

تؤ کوب قانیم، روان، غیب اولدو اول سروِ روان گؤزدن
بو رؤشن دیر که،قان تؤ کجگ، اولور مردم نهان گؤزدن
کمندِ زولفونه باغلی چیخیر جان جیسمِ زاریمدن
کنار اولدوقجا هر لحظه او یارِ مهربان گؤزدن
گؤزومده طفل تک اوینار خیالِ چشمِ مخموری
باسوب باغرینا مردم، قویماز آنی بیر زمان گؤزدن
تکی مین اوخ،رضایم، سینه مه پیوسته سانجیلسین
منی تا سالماسین اول دلبرِ ابرو کمان گؤزدن
ا گر بیر دفعه باغ ایچره بوقامتله خرام ائتسه ن
سالار تا حشره دک اؤز سروِ نازین باغبان گؤزدن
ائشیتدیم، غیرایله اول لاله اوزلوم سئیرِ باغ ائتمیش
خدایا، ساخلاسن اول ماهِ بی مهری یامان گؤزدن
نئجه سرمست ایکن، واحد، چیخیم میخانه دن هوشیار؟
منی بیر لحظه قویماز بزمده پیرِ مغان گؤزدن