منو
دوشنده یاده
کؤنول مُرغو دوشوبدر صیدوش بیر دام صیاده
سالیبدیر بوینوما زنجیرِ زولفون، مثل قلاده
سر زولفِ نیگاره دل وئریب، یوز مین بلا چکدیم
یوخ ایمیش اعتبار هئچ کیمسه یه بو دارِ دونیاده
منیم تک عشقده اولمازدی کیمسه، زار و سرگردان
وفا گؤرسه ایدی گر صنعان، بیر موجان او ترساده
اولور قان بو دلِ زاریم مئی گول فام تک هردم
دوشنده، ای گول غنچه، اول لعلِ لبلرین یاده
باش اه یمز زاهید کج بین هر گز طاق محرابه
خمیده قاشلارین طاقین بیرآن گر گؤرسه رؤیاده
دالینجا سایه وش، جانا، دولاننام، بیر بودور قصیدیم
او یئر کیم سن دورورسان، جان ائدم تسلیم او مأواده
نه مدتدیر، کؤنول، جانا، تمنای وصل ائیلر
رضاریم جان وئریم هیجرونده، ای مه، بو تمناده
منه وصف ائیله‌مه، زاهید، بو قدری یوسیفین وضعین
کی، حاشا یوسیف کنعان اولا بو حُسن و معناده
سالیبدیر واحدی آیری وطندن ائل شماتتله(١)
اودور، مجنون کیمی توتموش مکان بیر کوه و صحراده
١غزل اورتا آسیادا یازیلیب.