آذربایجان مارالی

کؤنلوم بیر آهو گؤزلو الیندن یارالیدیر
گلمز کمنده، آذربایجان مارالیدیر
سوزگون باخیشلا عالمی سالمیشدی حئیرته
یا لنکرانلی، یا بو گؤزل آستارالیدیر
هردم کی، ساچلاری بورویور گول جمالینی
سانکی گونش بولوددا توتولموش، قارالیدیر
بیر ذره جه یاخینلیغیمیز اولماییب هله
مندن گونش قدر او پریوش آرالیدیر
هر گون بیر آیری جور بزه نیر غنچه گول کیمی
ا گنینده تیرمه کؤینگی وار، زر خارالیدیر
قاش گؤزله گونده یوز جان آلیر، عاشیق اؤلدورور
آلنیندا طالع اوُلدوزو وار، آی پارالیدیر
واحد، وار اولماسا، سنی هئچ کیمسه ایسته مز
جانان سئور او عاشیقی پوللؤ پارالیدیر