منو
شیدای وطن
کؤنلوم یئنه بولبول کیمی شیدایِ وطن دیر
مجنون ائدن عاشیقلری لیلایِ وطن دیر
یوزلرله گؤزل عاشیقی اولسام دا من، امّا
قلبیم یئنه ده عاشیقِ سودایِ وطن دیر
دونیایا گؤزلیک وئرن، البته، گونشدیر
اوندان دا گؤزل حلقه، تجلایِ وطن دیر
قویماز بو مقدس یئره بیگانه توخونسون
هر کس کی، صداقتلی دیر، ابنایِ وطن دیر
تعریفِ بهشت ائیله‌مه سین خلقیمه هئچ کس
جنّت ده، بهشت ده بیزه صحرایِ وطن دیر
واحد، ائله ظن ائیله‌مه سین کی، من یوسیفِ عصرم
معشوقه منه عشقِ زولیخایِ وطن دیر