منو
قوربان ائتمیشم!
کؤنلومو زولفون خیالیله پریشان ائتمیشم
اؤز الیمله عشق مولکون گؤر نه ویران ائتمیشم
بیر وفاسیز گولدن اؤترو خاره چوخ یالوارمیشام
هر زامان بولبول کیمی مین آه و افغان ائتمیشم
عشقده یانماقدان اؤزگه بیر علامت گؤرمه‌دیم
کؤنلومو پروانه تک چوخ شمعه قوربان ائتمیشم
عشق بیر دیوانه لیک میش، درده دوشموش کؤنلومه
عشقدن ال چکمه دی، یوز دفعه درمان ائتمیشم
عشق جؤروندن قورتارماق بیر ساغالماز درد ایمیش
من بو دردین چاره سین اؤلکمله آسان ائتمیشم
مندن اوّل یوخدو بیر عاشیق، دیارِ عشقده
عشق درسین من گئدیب مجنونا اعلان ائتمیشم
واحدم، من لیلی وشلر زولفونون مجنونویام
چوخ زامانلار وادیِ عشق ایچره جؤلان ائتمیشم